ಅಲೈಯನ್ಸ್ ಫ್ರಾಂಕೈಸ್ನಲ್ಲಿ ಎಸ್. ಎಲ್. ಭೈರಪ್ಪ ಮತ್ತು ಸೈಮನ್ ಡಿ ಬ್ಯೂವೊಯಿರ್ಗೆ ವಿಶಿಷ್ಟ ಗೌರವ
ಬೆಂಗಳೂರು, ಏ. 23- ಅಲೈಯನ್ಸ್ ಫ್ರಾಂಕೈಸ್, ಬೆಂಗಳೂರಿನಲ್ಲಿ ನಡೆದ ವಿಶೇಷ ಕಾರ್ಯಕ್ರಮದಲ್ಲಿ ಕನ್ನಡ ಸಾಹಿತ್ಯದ ದಿಗ್ಗಜ, ಪದ್ಮಭೂಷಣ ಹಾಗೂ ಸರಸ್ವತಿ ಸಮ್ಮಾನ್ ಪ್ರಶಸ್ತಿ ಪುರಸ್ಕೃತೆ ದಿವಂಗತ ಎಸ್. ಎಲ್. ಭೈರಪ್ಪ ಮತ್ತು ಫ್ರೆಂಚ್ ಮಹಿಳಾ ಬರಹಗಾರ್ತಿ ಸೈಮನ್ ಡಿ ಬ್ಯೂವೊಯಿರ್ ಅವರಿಗೆ ವಿಶಿಷ್ಟ ಗೌರವ ಸಲ್ಲಿಸಲಾಯಿತು.
ಈ ಸಂದರ್ಭದಲ್ಲಿ ಮಿನಿ-ಥಿಯೇಟರ್ಗೆ ಎಸ್. ಎಲ್. ಭೈರಪ್ಪ ಅವರ ಹೆಸರನ್ನು ಹಾಗೂ ನವೀಕರಿಸಿದ ಗ್ರಂಥಾಲಯಕ್ಕೆ ಸೈಮನ್ ಡಿ ಬ್ಯೂವೊಯಿರ್ ಅವರ ಹೆಸರನ್ನು ನಾಮಕರಣ ಮಾಡಲಾಯಿತು. ಕ್ಯಾಂಪಸ್ ಫ್ರಾನ್ಸ್ ಜೊತೆಗೆ ಈ ಎರಡು ಸೌಲಭ್ಯಗಳನ್ನು ಭಾರತಕ್ಕೆ ಫ್ರಾನ್ಸ್ ರಾಯಭಾರಿ ಗೌರವಾನ್ವಿತ ಶ್ರೀ ಥಿಯೆರ್ರಿ ಮ್ಯಾಥೌ ಅವರು ಬುಧವಾರ ಸಂಜೆ ಉದ್ಘಾಟಿಸಿದರು.
ಕ್ಯಾಂಪಸ್ ಫ್ರಾನ್ಸ್ ಒಂದು ಸಮಾಲೋಚನಾ ಕೇಂದ್ರವಾಗಿದ್ದು, ಫ್ರಾನ್ಸ್ನಲ್ಲಿರುವ ಶೈಕ್ಷಣಿಕ ಅವಕಾಶಗಳ ಬಗ್ಗೆ ಭಾರತೀಯ ವಿದ್ಯಾರ್ಥಿಗಳಿಗೆ ಮಾಹಿತಿ ನೀಡುವ ಕಾರ್ಯವನ್ನು ನಿರ್ವಹಿಸುತ್ತದೆ. ಕ್ಯಾಂಪಸ್ ಫ್ರಾನ್ಸ್ ಭಾರತೀಯ ವಿದ್ಯಾರ್ಥಿಗಳಿಗೆ ಫ್ರಾನ್ಸ್ನಲ್ಲಿ ಓದಲು ಬೇಕಾದ ಎಲ್ಲಾ ಮಾಹಿತಿಯನ್ನು ಒದಗಿಸುವ ಏಕಕೇಂದ್ರ. ಅರ್ಜಿ ಪ್ರಕ್ರಿಯೆಯಿಂದ ಹಿಡಿದು ವಿದ್ಯಾರ್ಥಿವೇತನ, ವೀಸಾ, ವಿಶ್ವವಿದ್ಯಾಲಯ ಆಯ್ಕೆ, ಹಾಗೂ ವೃತ್ತಿ ಮಾರ್ಗದರ್ಶನವರೆಗೂ ಸಂಪೂರ್ಣ ಸಹಾಯ ನೀಡುತ್ತದೆ.
ಕಾರ್ಯಕ್ರಮದಲ್ಲಿ ಫೌಂಡೇಶನ್ ಅಲೈಯನ್ಸ್ ಫ್ರಾನ್ಸ್ನ ಶ್ರೀ ಜೀನ್ ಫ್ರಾಂಕೋಯ್ ಹ್ಯಾನ್ಸ್, ಬೆಂಗಳೂರಿನ ಫ್ರಾನ್ಸ್ನ ಕಾನ್ಸುಲ್ ಜನರಲ್ ಶ್ರೀ ಮಾರ್ಕ್ ಲ್ಯಾಮಿ, ಭಾರತದಲ್ಲಿ ಫ್ರೆಂಚ್ ಸಂಸ್ಥೆಯ ನಿರ್ದೇಶಕ ಶ್ರೀ ಗ್ರೆಗರ್ ಟ್ರಮ್ಮೆಲ್, ಭಾರತದಲ್ಲಿ ಅಲೈಯನ್ಸ್ ಫ್ರಾಂಕೈಸ್ ನೆಟ್ವರ್ಕ್ನ ಸಂಯೋಜಕಿ ಶ್ರೀಮತಿ ಎಮಿಲೀ ಜಾಕಮೆಂಟ್ ಹಾಗೂ ಬೆಂಗಳೂರಿನ ಅಲೈಯನ್ಸ್ ಫ್ರಾಂಕೈಸ್ ಅಧ್ಯಕ್ಷೆ ಡಾ. ಚಿನ್ಮಯ ಚಿಗಟೇರಿ ಉಪಸ್ಥಿತರಿದ್ದರು.
Comments
Leave a Comment